مساكم وصبحكم الله بكل خير
اسمعو قصة زواج (دحيم وحصيصه)
اول شي لازم تتعرفون على المعرس,,,
المواصفات
الاسم / دحيم
العمر / منولد في سنة الطفره
الشكل / قزم ودب واقرع و وجهه كله خدود ومافيه عيون
باختصار يحوم الكبد
الولد دحيم داشر 24 سااعه مشاكل وتفحيط وخرابيط و هجوله
المهم ابوه قرر انه يزوجه يمكن يعقل الولد !!!!
ويقوم يخطب له ابوه بنت عمه حصه !!!
عاد حصه خبله مثله
المهم يوم جاء العرس ولا دحيم طالع مع اخوياه للثمامه يطعسون
وابوه يدق عليه
الاب: الووو دحيم وينك؟
دحيم : هلا والله طالع مع الشباب لثمامه
!!! الاب: جعل تطلع روحك يلا تعال اليوم عرسك
دحيم : طيب العرس في اليل يمديني ارجع المغرب
الاب: اقول امش جعلي امشي العصى على ظهرك
دحيم : طيب خلاص جاي
ويقفل التلفون
المهم ويجي دحيم ويلبسونه الخبل ناوي يروح بقميص نوم وطاقيه
المهم ويمسكونه اخوانه ويلبسونه ويودونه للقصر
>>>>>>> دحيم الا الحين ما يدري وش السالفه يبي يخلص بسرعه عشان يلحق على العيال في الاستراحه يلعب ورقة,,
ويدخلون القصر ويجلسونه في المنصه وهو يقول ابي اروح اجلس عند القهوجيه ابي اتكي معهم واشرب شاهي
ويقلطه اخوه ويجلسه على الكرسي
ويجونه الناس يسلمون
المعازيم : مبرووك منك المال ومنها العيال
دحيم : هلا ايه طيب يكون خير والله ما عندي ولا ريال
( قايلتلكم مهوب وجه زواج)
المهم ويدخلونه على الحريم
يوم دخل
(وهو الي يفتح كشرته ( ابتسامه عريضه
ويناظر في ذا البنيات
المهم يوم طقو الطقاقات الا وهو يطمر ويرقص سامري
ويسحبه ابوه ويقول اركد لا تفشلنا!!!!
المهم ويجلسه على الكرسي
وتجي وحده ترقص وهو الي يضحك عليها ويقول اوووووه ما تعرفين ترقصين يا الدبه
الا وابوه يصفقه على جبهته
دحيم طيب خلاص انطم
المهم يوم خلصوا وهو ياخذ العروس ويركبون السياره
المهم ما درا الا تقوم حصيصه وتقول ما بغينا نطلع اقول ما عندك شريط كسراات ( شعبي) ؟
ملينا من ذا الطقاقات ازعجوني واحس اغانيهم مااطربتني
الا وهو ينبسط على حرمته خبله مثله
المهم وتقول له
حصيصه : دحيم ابسالك سؤال؟
!!! دحيم: اسالي
حصيصه : انت الحين تعرف تفحط ؟؟؟
(دحيم : اكيد انا احسن واحد يفحط ( مسوي فنان عندها وهو ما عنده ما عند جدتي
حصيصه : والله ورني ابي اشوفك تفحط
دحيم شكله توهق
(دحيم : خليها بعدين موب اليوم ( يبي يصرف
حصيصه : افا شكلك ما تعرف هههههههههههاي
دحيم : اوريك من الي ما يعرف
وهو الي يلف هذيك اللفه وطراااااخ في الماصوره على طول
والحين حصيصه ودحيم في الشميسي الدور الاول غرفه 123
قسم الكسور
الزياره من 9 الى 12 ظهرا و 5 الى 9 مساء
لا بالله اعرسو من جد
ههههههههههههههههههههههههههههه
شرايكم بل الزواج التحفه
{اسم العريس عبدالرحمن والدلع دحيم والعروسه حصه والدلع حصيصه}
السبت مايو 23, 2009 1:32 pm
